MENDUNG NGUBENGI JAGAD
Dening: Beti Mustika Rini
Yen nyawang biruning langit
Ati iki tentrem ayem
Angin sumibrit nggawa cendana
Manuk ngoceh ing pakebonan
Nambah endahing warna dunya
Nanging............
Lakune waktu kaya kilat
Kabeh ilang tanpa tilas
Kabeh namung ninggal impen
Impen kang durung mesthi teka
Siki.............
Biruning langit dadi klawu
Tentreming ati malik was sumelang
Ocehing manuk ora keprungu maneh
Yekti sepi........
Yen jagad iki bisa ngucap
Dakkira bakal sambat
Ya mung dadi pitakonku
Kapan mendung iki bakal was sumilak
Tidak ada komentar:
Posting Komentar